Öll helstu bankaviðskipti
Með aðgangi að netbankanum geta fyrirtæki stundað öll helstu bankaviðskipti á netinu. Hægt er að tengja bókhaldskerfi beint við netbankann (B2B) til að auðvelda daglegan rekstur með því að vinna í einu kerfi.
Á forsíðuyfirliti birtast listi yfir innlánsreikninga, kreditkort, lán, ábyrgðir, ógreiddar kröfur, verðbréfasöfn, væntanlegar erlendar greiðslur og framvirkar greiðslur, sem notandi fyrirtækis hefur aðgang að.
Aðgangsstýring í netbanka
Lykilnotandi fyrirtækja og stofnana getur með einföldum hætti haldið utan um netbankaaðganga starfsmanna. Notendaviðmótið er einfalt og þægilegt. Öryggi og gegnsæi eykst þar sem hægt er að stofna, skoða og stýra heimildum starfsmanna á rauntíma.
Staðfesting er send í tölvupósti á valinn ábyrgðarmann í hvert skipti sem aðgangi er breytt eða nýjum aðgangi bætt við, með því má tryggja innra eftirlit í þjónustunni.
Til að opna fyrir aðgang að netbankanum þarf umsóknareyðublaðið að vera undirritað af þeim sem rita firmað í fyrirtækinu.
Öruggari bankaþjónusta
Netbankinn er ekki bara fljótlegri og þægilegri kostur í bankaþjónustu heldur einnig öruggari. Netbankinn er á https svæði sem er öruggt og dulkóðað.
Innskráning með rafrænum skilríkjum, app auðkenningu, PIN númerum og leyninúmerum reikninga gerir okkur kleift að hámarka öryggi þitt og draga úr líkum á fjársvikum.
App auðkenning
App auðkenning gerir notendum kleift að auðkenna sig í netbanka og Arion appi með auðkennisnúmeri sem birtist í auðkenningarappi í snjalltækjum.
Greiðslusamþykktarferli
Greiðslusamþykktarferli í netbanka fyrirtækja tryggir fyrirtækjum að fleiri starfsmenn koma að greiðsluferlinu í þeim tilgangi að auka öryggi við greiðslur.
Einn eða fleiri notendur þurfa að samþykkja greiðslur áður en þær eru endanlega inntar af hendi, hvort sem þær eru innlendar eða erlendar.
B2B vefþjónusta
Öll helstu bankaviðskipti í B2B þjónustu með því að vinna í bókhaldskerfi fyrirtækis án viðkomu í netbanka.
Rafræn skjöl
Rafræn birting skjala í netbankanum, s.s. launaseðlar og greiðsluseðlar. Sparar kostnað í rekstri.
Innheimtuþjónusta
Skilvirk leið til að gefa út og innheimta viðskiptakröfur fyrir fyrirtæki, félög og einstaklinga með eigin atvinnurekstur.
Launagreiðendavefur
Skilagreinar, yfirlit og heildarstaða fyrir þá sem greiða í lífeyris- eða séreignarsjóði sem eru í rekstri hjá Arion banka.
Gjaldeyrisviðskipti
Sparaðu tíma og fyrirhöfn og sendu erlendar greiðslur úr netbankanum. Hentar bæði stórum og smáum fyrirtækjum.
Lykilaðgangur
Lykilnotandi fyrirtækja getur haldið utan um netbankaaðganga starfsmanna með því að hafa Lykilaðgang í netbanka fyrirtækis.
Spurt og svarað
Er netbankinn fyrir fyrirtæki líka?
Kostar að vera með netbankann?
Er netbankinn einungis á íslensku?
Er netbankinn öruggur?