Hvaða kreditkort hentar þér best?
Við bjóðum upp á fjölbreytt kortaúrval sem hentar ólíkum þörfum og lífsstíl, hvort sem markmiðið er dagleg notkun, ferðalög eða aukin fríðindi.
Við bjóðum upp á fjölbreytt kortaúrval sem hentar ólíkum þörfum og lífsstíl, hvort sem markmiðið er dagleg notkun, ferðalög eða aukin fríðindi.
* Einungis af innlendri verslun
Með verslun er átt við kaup á vöru eða þjónustu hjá söluaðila. Vildarpunktar ávinnast ekki af reiðufjárúttektum, peningafærslum, gjaldeyrisfærslum, rafmyntkaupum eða þjónustugjöldum. Endurgreiðslur og endurkröfur koma til frádráttar við vildarpunktasöfnun.
Þú velur hve háa upphæð þú vilt greiða á næsta gjalddaga og á hve marga mánuði þú vilt dreifa eftirstöðvunum.
Lágmarksgreiðsla er 10% af reikningi
Lágmarksupphæð er 30.000 kr.
Lánstími allt að 18 mánuðir
Samanlagður fjöldi dreifinga að hámarki 10
Kostnaður er samkvæmt bankans. Vextir af greiðsludreifingu eru samkvæmt vaxtatöflu bankans á hverjum tíma.
Kortasvik eru sem betur fer fátíð, enda reynum við eftir bestu getu að tryggja öryggi korthafa með áhættustýringu og svikavöktun.
Nú getur þú geymt kvittanirnar á öruggan hátt og hengt viðhengi og/eða skýringu við allar kreditkortafærslurnar þínar í appinu.
Þegar þú verslar á netinu og þörf er á staðfestingu greiðslu færðu tilkynningu frá Arion appinu sem leiðir þig á staðfestingarskjá greiðslunnar.
Við höfum uppfært tilkynningarnar sem við sendum úr Arion appinu þegar þú greiðir fyrir vöru eða þjónustu með kortinu þínu.
Að ýmsu þarf að huga fyrir fríið. Hér eru nokkur góð ráð til þeirra sem eru á ferð og flugi.
Nokkur ráð sem gott er að hafa í huga þegar verslað er á netinu.
| Gjaldmiðill | Upphæð | ||||||
|---|---|---|---|---|---|---|---|
Gengi gjaldmiðla er eingöngu sett fram til viðmiðunar Uppfært | |||||||
Ef þú telur þig hafa orðið fyrir netsvikum skaltu tafarlaust hafa samband við okkur í síma 444 7000 eða með því að senda tölvupóst á netfangið netsvik@arionbanki.is. Við svörum líka utan almenns opnunartíma.
Korthafar Arion eru með ferðatryggingar hjá Verði og eru þær innifaldar í árgjaldi kreditkortsins. Tryggingarnar geta verið mismunandi eftir því hvaða kort þú ert með og hvetjum við þig til að kynna þér þær vel.
SOS International sinnir neyðarþjónustu við korthafa allan sólarhringinn. Það sem fellur hér undir er almenn læknishjálp, sjúkraflutningar, tímabundin fyrirgreiðsla vegna greiðslu sjúkrakostnaðar og ráðgjöf.
Kortatímabil kreditkorta Arion banka er frá 27. til 26. næsta mánaðar. Notkun korts innan tímabils kemur til greiðslu á næsta gjalddaga. Upphæð til greiðslu á gjalddaga eftir hvert tímabil er að jafnaði birt í netbanka og appi 27. hvers mánaðar eða næsta virka dag þar á eftir. Gjalddagi kreditkorta er annar dagur mánaðar eða fyrsti virki dagur þar á eftir, lendi hann á helgi.
Kortatímabil Innkaupakorta er 1. til 31. hvers mánaðar með gjalddaga 15. hvers mánaðar eða fyrsti virki dagur þar á eftir, lendi hann á helgi.
Með því að frysta kortið í appinu lokar þú fyrir notkun kortsins í verslunum, hraðbönkum og á netinu. Boðgreiðslur munu þó virka áfram sem og greiðslur með snjalltækjum í gegnum Apple Pay, Google Pay og Garmin Pay.
Hægt er að virkja kortið aftur í appinu.
Já, kortið endurnýjast sjálfkrafa og er sent á lögheimili korthafa snemma í þeim mánuði sem gildistími eldra korts rennur út. Athugið að kortið gildir út þann mánuð sem er skráður er á kortið.
Kreditkort | Hámarksúttekt innan dags innanlands og erlendis* |
|---|---|
Almennt kort / Bláa kortið | kr. 75.000 |
Gull kort / Gull Vildarkort / Gull Viðskiptakort | kr. 100.000 |
Platinum / Platinum Vildarkort / Platinum Viðskiptakort / Platinum Business Travel | kr. 150.000 |
Premium World / Premía kreditkort | kr. 200.000 |
Debetkort | Hámarksúttekt innan dags innanlands | Hámarksúttekt innan dags erlendis* |
|---|---|---|
Unglingadebetkort | kr. 100.000 | kr. 60.000 |
Debetkort | kr. 300.000 | kr. 150.000 |
Premía debetkort | kr. 300.000 | kr. 200.000 |
Þú getur tekið út allt að 300.000 kr. af reikningum þínum í hraðbönkum Arion með því að auðkenna þig með rafrænum skilríkjum. Úttektarmörk geta einnig verið lægri en hér greinir ef reglur viðkomandi banka eða hraðbanka eru þrengri en heimildir kortsins.Kostnað vegna úttektar er að finna í verðskrá bankans.
*Athugið að 3 klst. þurfa að líða á milli úttekta eða tilrauna til úttekta í hraðbanka erlendis.
Ef rangt PIN númer er slegið of oft inn er kortið læst fyrir frekari notkun sem krefst PIN auðkenningar. Í þeim tilfellum er hægt að aflæsa PIN númerinu og er það gert á eftirfarandi hátt:
Í útlöndum:
Farðu í hraðbanka. Sláðu inn rétt PIN númer og taktu út upphæð sem rúmast innan úttektarheimildar. Þá aflæsist kortið.
Á Íslandi:
Farðu í hraðbanka. Sláðu inn rétt PIN númer og veldu aðgerðina að Aflæsa PIN. Þá aflæsist kortið.
Farðu í hraðbanka. Sláðu inn rétt PIN númer og þá aflæsist kortið.
Ef korti er stolið eða það týnist er mikilvægt að frysta það strax í Arion appinu.
Í kjölfarið getur þú haft samband við þjónustuver okkar í síma 444 7000 til að loka kortinu varanlega og fá útgefið nýtt kort.
Neyðarþjónusta vegna glataðra korta er í boði allan sólarhringinn. Einnig er hægt að frysta kreditkort í netbanka.
Snertilausar greiðslur eru hugsaðar fyrir litlar upphæðir og því er 7.500 króna hámark. Til að tryggja öryggi er krafist PIN staðfestingar og örgjörvainnsláttar sé verslað fyrir hærri upphæð.