Yfirdráttarlán

Yfirdráttarlán er algengasta form skammtímafjármögnunar og hentar vel þegar tímabundin fjárþörf er í rekstri fyrirtækja eða sveiflur eru í fjármagnsþörf. Yfirdráttarheimild er veitt á reikning félagsins og samið eru um yfirdráttarheimild til eins árs í senn eða skemur og eingöngu greiddir vextir af nýttri heimild.

Vextir á yfirdráttarlánum eru mismunandi eftir vaxtaflokkum, upplýsingar um vexti og verðskrá.

Lykilnotendur stýra ferðinni

Þeir aðilar sem skráðir eru sem lykilnotendur í netbanka stýra ferðinni og geta sótt um, hækkað og lækkað yfirdrátt í netbankanum. Að vera með skráðan lykilnotanda er því einfaldasta og þægilegasta leiðin til að sýsla með heimildir. Ef félagið er ekki nú þegar með skráðan lykilnotanda mælum við með að stofna slíkan aðgang.

Nánar um lykilaðgang í netbanka

Sækja um yfirdráttarheimild í netbankanum

Ekki möguleiki á að vera með lykilnotanda?

Ef fyrirtækið er ekki með skráðan lykilnotenda og ekki möguleiki á að sækja um slíkan aðgang er hægt að sækja um yfirdráttarheimild í gegnum umsóknarformið hér að neðan.

Sækja um yfirdráttarheimild

Framkvæmdafjármögnun

Framkvæmdafjármögnun/ádráttarlán er lán til fyrirtækja á meðan á byggingaframkvæmdum stendur. Lánið getur verið í formi yfirdráttarheimildar eða ádráttarláns, lánsfjárhæð er metin út frá kostnaðaráætlun.

Dregið er á lánið í takt við aukið virði eignar og framvindu verks. Í stærri verkefnum er gjarnan gerð sú krafa að mat á kostnaðarvirði verks sé metið af utanaðkomandi fagaðila.

Afurðalán

Afurðarlán eru lán til sjávarútvegsfyrirtækja, sláturleyfishafa og loðdýrabænda. Lánin eru með veði í framleiðslu fyrirtækja og er gerður lánssamningur til eins árs í senn. Lánin eru í formi yfirdráttarheimildar eða ádráttarláns.

Lánað er að hámarki 50% af kostnaðarvirði afurða hverju sinni. Rík áhersla er lögð á lántaka að upplýsa bankann með réttum hætti um stöðu birgða hverju sinni.