B2B er samskiptatækni fyrir bókhaldskerfi fyrirtækja til að skiptast á upplýsingum til og frá banka. Nánast er eingöngu unnið í bókhaldskerfinu án viðkomu í netbanka. Hentar öllum fyrirtækjum, sveitarfélögum, stofnunum og félagasamtökum stórum sem smáum. 

Hvorki stofngjald né árgjald er greitt til bankans vegna B2B þjónustunnar. Hafa ber þó í huga að B2B er samskiptatól sem notað er til að framkvæma ýmsar bankaaðgerðir sem geta verið gjaldskyldar. Arion banki fer fram á notkun rafrænna skilríka þegar þjónustan er notuð, um er að ræða starfs- eða hugbúnaðarskilríki frá Auðkenni, ekki skilríki á farsíma. Til að fá aðgang að þjónustunni þarf að undirrita netbankasamning við bankann.

Fyrirtæki hafa samband við sitt hugbúnaðarhús, sem setur upp tenginguna í bókhaldskerfi viðkomandi fyrirtækis. Hugbúnaðarhúsið tengir saman rafrænt skilríki og notendaaðgang fyrirtækisins í netbanka.