Greiðslumat
Við bjóðum einfalda og hraðvirka þjónustu þegar kemur að greiðslumati. Greiðslumatið er rafrænt og tekur aðeins örfáar mínútur. Til að reikna út greiðslugetu þína sækjum við m.a. upplýsingar um launatekjur, eignir og skuldir.
Verðtryggt eða óverðtryggt lán?
Í stuttu máli er munurinn sá að óverðtryggð lán hafa hærri mánaðarlega greiðslubyrði og hraðari eignamyndun meðan verðtryggð lán hafa lægri mánaðarlega greiðslubyrði en hægari eignamyndun.
Verðtryggð lán eru tengd vísitölu neysluverðs og breytast því þegar verðlag á landinu hækkar eða lækkar.
Óverðtryggð lán eru ekki tengd vísitölu neysluverðs og hækka því ekki með verðbólgu.
Einnig er í boði að taka blandað lán sem sameinar kosti beggja lánategunda.
Jafnar afborganir
eða jafnar greiðslur
Íbúðalán eru alla jafna ýmist með jöfnum greiðslum eða jöfnum afborgunum. Hægt er að endurfjármagna lán með jöfnum afborgunum yfir í lán með jöfnum greiðslum og er tekið tillit til greiðslumats eins og þegar endurfjármögnun íbúðalána á sér stað.Jafnar greiðslur
Þegar greitt er af íbúðaláni með jöfnum greiðslum er u.þ.b sama heildarfjárhæð greidd í hverjum mánuði. Ef íbúðalánið er verðtryggt þá breytist greiðslubyrði nokkurn veginn í takt við þróun verðlags yfir tímann. Greiðslubyrði af láni með jöfnum greiðslum er alla jafna lægri í upphafi en mánaðargreiðsla á sambærilegu láni með jöfnum afborgunum.
Jafnar afborganir
Þegar greitt er af íbúðaláni með jöfnum afborgunum er sama fjárhæð greidd af höfuðstól lánsins í hverjum mánuði auk vaxta og verðbóta ef lánið er verðtryggt. Greiðslubyrði af íbúðalánum með jöfnum afborgunum er hærri í upphafi en þegar greitt er með jöfnum greiðslum, en lækkar með tímanum í takt við lækkun höfuðstóls.
Þegar greitt er af íbúðaláni með jöfnum greiðslum er u.þ.b sama heildarfjárhæð greidd í hverjum mánuði. Ef íbúðalánið er verðtryggt þá breytist greiðslubyrði nokkurn veginn í takt við þróun verðlags yfir tímann. Greiðslubyrði af láni með jöfnum greiðslum er alla jafna lægri í upphafi en mánaðargreiðsla á sambærilegu láni með jöfnum afborgunum.
Jafnar afborganir
Þegar greitt er af íbúðaláni með jöfnum afborgunum er sama fjárhæð greidd af höfuðstól lánsins í hverjum mánuði auk vaxta og verðbóta ef lánið er verðtryggt. Greiðslubyrði af íbúðalánum með jöfnum afborgunum er hærri í upphafi en þegar greitt er með jöfnum greiðslum, en lækkar með tímanum í takt við lækkun höfuðstóls.
Endurfjármögnun
Endurfjármögnun lána getur komið sér vel af ýmsum ástæðum. Lánaumhverfið er kannski hagstæðara nú en það var þegar þú tókst lán, sem gæti skilað sér í lægri vöxtum og greiðslubyrði.
.jpg)
Viðbótaríbúðalán
Viðbótaríbúðalán Arion banka henta þeim sem vilja nýta sér hagstæð lífeyrissjóðslán en þurfa viðbótarfjármagn til kaupa/endurfjármögnunar á húsnæði.
Við viljum koma til móts við viðskiptavini
Þú getur sent
íbúðalánið í leyfi
Þú getur sótt um leyfi frá greiðslu lánsins einu sinni á ári. Það getur komið sér vel við ákveðnar aðstæður.
Athugaðu að vextir og verðbætur reiknast þó áfram og leggjast við höfuðstólinn.
Lægri greiðslubyrði í fæðingarorlofi
Við viljum létta nýbökuðum foreldrum lífið. Þess vegna bjóðum við þér að lækka greiðslurnar af íbúðalánum þínum um allt að helming á orlofstímanum. Þá greiðir þú fasta upphæð mánaðarlega í allt að 12 mánuði.
Betri kjör
við fyrstu kaup
Við styðjum við bakið á þeim sem eru að kaupa sína fyrstu fasteign.
Til að auðvelda þér þín fyrstu kaup lánum við allt að 85% af markaðsvirði og veitum 100% afslátt af lántökugjaldi.
Greiðslufesta
Greiðslufesta er ný leið til að lækka tímabundið greiðslubyrðina. Þegar þú setur greiðslufestu á lánið þitt greiðir þú fasta fjárhæð í tólf mánuði, sem er lægri en mánaðarleg greiðsla samkvæmt skilmálum lánsins.
Eingöngu er hægt að sækja um greiðslufestu á óverðtryggð íbúðalán með breytilegum eða föstum vöxtum.
Lækkun á greiðslubyrði lána
Á næstu mánuðum mun greiðslubyrði margra lána með föstum óverðtryggðum vöxtum hækka umtalsvert þegar fastvaxtatímabili lýkur og færast þá lánin sjálfkrafa frá því að vera á föstum vöxtum yfir á breytilega vexti.
Ef þú stendur frammi fyrir talsverðri aukningu á greiðslubyrði lánsins og vilt lækka hana gæti verið gagnlegt fyrir þig að skoða hvað sé til ráða.
Tímabundnir greiðsluerfiðleikar
Þegar greiðsluerfiðleikar koma upp þá er mikilvægt að bregðast skjótt við. Við aðstoðum við að finna bestu lausn til þess að greiða úr málunum áður en vandamálið verður óyfirstíganlegt.
Engin lántökugjöld vegna lána til kaupa á umhverfisvottuðu íbúðarhúsnæði
Við bjóðum viðskiptavinum 100% afslátt af lántökugjaldi á íbúðalánum við kaup á umhverfisvottuðu íbúðarhúsnæði.
Liggja þarf fyrir staðfesting um að eignin hafi verið vottuð af einum eftirtalinna aðila:
- Svansvottun
- BREEAM - Very Good
- LEED Gold
Borgar sig að endurfjármagna?
Í myndbandinu hér til hliðar er imprað er á ýmsum hugtökum er tengjast íbúðalánum.
Meðal annars er fjallað um verðtryggð og óverðtryggð lán, breytilega og fasta vexti og muninn á jöfnum greiðslum og jöfnum afborgunum. Þar að auki er farið ofan í saumana á því hvað gæti mögulega hentað þeim sem hafa hug á að endurfjármagna.
Tryggingar heimilisins
Arion banki er í samstarfi við Vörð tryggingar.
Við hvetjum þig til að nota tækifærið og endurskoða tryggingar heimilisins.
Hafðu samband og við skoðum þetta í sameiningu.
