Bílafjármögnun Arion
Netfang: bilar@arionbanki.is
Símanúmer: 444 8800
Við bjóðum skjóta og góða þjónustu.
Það geta allir sótt um bílalán hjá okkur
Svona virkar þetta:
1
Þú finnur rétta bílinn og hefur samband við bílasölu.
2
Bílasali sendir inn rafræna umsókn um fjármögnun.
3
Þú undirritar lánið í símanum þínum.
4
Láninu er þinglýst rafrænt. Til hamingju með nýja bílinn!
Við fjármögnum bæði
ný og notuð ökutæki
Við fjármögnum allt að 80% af kaupverði bifreiðar og fer lánstími eftir aldri bifreiðar. Allar umsóknir þurfa að fara í gengum viðurkennda bílasölu sem sækir um fjármögnun fyrir þig.
- Lágmarkskaupverð bíls er 700.000 kr.
- Hámarksakstur bíls er 180.000 km við lántöku
- Ef bíllinn er of gamall, getur þú brúað bilið með Núláni
| Hámarksfjármögnun | Samanlagður aldur* | Hámarks lánstími | |
|---|---|---|---|
| Bílar | 80% af kaupverði | 15 ár | 7 ár |
| Hjólhýsi og ferðavagnar | 80% af kaupverði | 15 ár | 7 ár |
| Mótorhjól og fjórhjól | 70% af kaupverði | 5 ár | 5 ár |
*Samanlagður aldur ökutækis og lánstími
Ertu að leita að
ökutækjatryggingum?
Miklir fjármunir liggja í ökutækjum og geta minnstu tjón verið mjög kostnaðarsöm ef bílatryggingarnar eru ekki í lagi.
Fáðu tilboð í bílatryggingar hjá tryggingafélaginu Verði í appinu á örfáum sekúndum. Ef þér líst vel á tilboðið klárar þú kaupin með einum smelli.
- Fylgstu með tryggingarvernd þinni hjá Verði í Arion appinu og fáðu yfirsýn yfir tryggingarnar þínar og hvað hver og ein þeirra felur í sér með örfáum smellum.
- Þú getur auðveldlega bætt við tryggingum ef eitthvað vantar eða þegar aðstæður breytast.
Spurt og svarað
Hvað er AML?
Mikilvægur liður í starfsemi okkar er að þekkja viðskiptavini, markmið þeirra og aðstæður. Þannig getum við betur uppfyllt þarfir þeirra og verndað gegn hugsanlegum auðkennisþjófnaði eða annarri misnotkun á þjónustu bankans.
Hvernig virka Græn bílalán Arion banka?
Veittur er vaxtaafsláttur vegna umhverfisvænna ökutækja.
- 0,6 punkta lækkun á vöxtum af láni fyrir 100% rafmagns- og vetnisbílum
- 0,3 punkta lækkun á vöxtum af láni fyrir tengiltvinnbílum
Arion banki fjármagnar græn bílalán með grænum innlánum og útgáfu sjálfbærra skuldabréfa.
Þarf ég að fara í greiðslumat?
Já, ef þú ert nýr viðskiptavinur Arion banka. Greiðslumat er byggt í rafræna umsóknarferlið og tekur aðeins 2-3 mínútur. Samkvæmt lögum um neytandalán þarf fjármálastofnun alltaf að framkvæma greiðslumat ef upphæð fjármögnunar fer yfir 2.700.000 kr. fyrir einstakling eða 5.400.000 fyrir hjón eða sambúðarfólk. Lán án greiðslumats er háð lágmarksviðmiðum bankans um innra lánshæfismat.
Hvernig fæ ég bílafjármögnun?
Þegar þú hefur fundið rétta bílinn mun söluaðilinn senda inn umsókn um fjármögnun. Umsóknin er send inn rafrænt og samþykktarferlið er sjálfvirkt. 100% pappírslaust ferli þar sem undirritað er með rafrænum skilríkjum. Ef þörf er á greiðslumati vegna umsóknarinnar er það byggt í sjálfvirka umsóknarferlið og tekur aðeins 2-3 mínútur.
Ef þú hefur frekari spurningar er hægt að hafa samband við ráðgjafa í síma 444-8800 eða með tölvupósti á netfangið bilar@arionbanki.is.
Þarf tækið að vera tryggt?
Ökutæki og ferðavagnar sem fjármagnaðir eru af Arion banka þurfa í öllum tilfellum að vera ábyrgðar- og kaskótryggðar á samningstímanum. Niðurfelling kaskó tryggingar á samningstíma gæti leitt til riftunar samnings.
Hvernig greiði ég inn á bílalánið/ bílasamninginn?
Það er auðvelt að greiða inná höfuðstól bílalánaog lækka þannig mánaðarlegar greiðslur. Hægt er að greiða inn á lánið í gegnum netbanka Arion banka. Einnig er hægt að leggja inn á reikning 300-26-2525, kt. 581008-0150 og setja skráningar- eða lánanúmer í skýringu.
Kvittun fyrir greiðslu skal senda á netfangið bilar@arionbanki.is.
Hvar get ég séð stöðu á virkum samningi?
Viðskiptavinir Arion banka geta nálgast stöðu á bílasamningum og bílalánum í netbanka Arion banka.
Eru vextir fastir eða breytilegir?
Vextir af bílasamningum og bílalánum Arion banka eru óverðtryggðir og breytilegir.
Greiði ég jafnar greiðslur eða jafnar afborganir?
Jafnar greiðslur (Annuitet) eru á báðum samningsformum.
Er mögulegt að greiða upp virkan samning?
Heimilt er að greiða upp virka bílasamninga og bílalán einstaklinga án uppgreiðslugjalds. Einnig má greiða aukalega inn á virka samninga og lán til lækkunar á mánaðarlegum greiðslum.
Hversu hátt hlutfall af kaupverði fæst fjármagnað?
Arion banki fjármagnar allt að 80% af kaupverði ökutækis eða ferðavagns.
Get ég farið með ökutæki úr landi?
Að uppfylltum vissum skilyrðum heimilar Arion banki flutning ökutækis úr landi á meðan samningur er virkur. Við bendum viðskiptavinum okkar á að hafa samband við ráðgjafa Arion banka með góðum fyrirvara og óska eftir skriflegu leyfi hyggi þeir á ferðalag með ökutækið fyrir utan landsteina. Athugið að hámarkstími með bifreið erlendis eru 6 vikur. Eftirlit er hjá Norrænu og öðrum skipafélögum og þarf að framvísa skriflegu leyfi við skipshlið. Kostnaður við leyfi til útflutnings er kr. 15.000.
Eftirfarandi skilyrði þarf að uppfylla:
- Samningur eða lán umsækjanda þarf að vera í skilum
- Samningur þarf að vera í beingreiðslum
- Að lágmarki 12 mánuðir séu liðnir frá gerð samnings/láns
- Greiðslusaga umsækjanda þarf að vera góð undanfarna 12 mánuði
- Umsækjandi má ekki vera á vanskilaskrá
Það sem þarf að fylgja umsókn er eftirfarandi:
- Afrit af vegabréfi
- Græna kortið frá tryggingafélagi (ábyrgðar-kaskótrygging auk þjófnaðartryggingar á meðan dvöl stendur). Græna kortið er gefið út af tryggingafélögum
- Staðfesting frá skipafélagi um að flutningskostnaður til og frá Íslandi hafi verið greiddur
Ráðgjafar Arion banka veita frekari upplýsingar í síma 444-8800 eða með tölvupósti á netfangið bilar@arionbanki.is.
Hvað er greiðslumat?
Greiðslumat er notað til að kanna greiðslugetu umsækjenda. Greiðslumat byggir á ráðstöfunartekjum, framfærslu- og rekstrarkostnaði sem og skuldastöðu viðkomandi. Sjá nánari upplýsingar hér.
Hvað eru rafræn skilríki?
Rafræn skilríki eru einföld og örugg leið til auðkenningar og undirritunar skjala. Rafræn skilríki eru virkjuð í útibúum um allt land. Virkjun rafrænna skilríkja í útibúum Arion banka er viðskiptavinum okkar að kostnaðarlausu en annars er gjaldið kr. 1.000.
Sjá nánari upplýsingar hér.
Hvar get ég nálgast upplýsingaskjöl vegna neytendalánslaga?
Neytendastofa hefur gefið út upplýsingaskjöl sem mikilvægt er fyrir neytendur að kynna sér:.
- Upplýsingar um neytendalán
- Kynningarbæklingurinn Neytendalán
