Er svikari í símanum?
Svikahrappar leita ýmissa leiða til að hafa fé af fólki, meðal annars að slá á þráðinn í von um dýrmætar persónuupplýsingar, svo sem notendanöfn, lykilorð og annað slíkt.
Farðu varlega í spjallið
Mundu að gefa aldrei upp persónuupplýsingar, eins og notandanafn, lykilorð eða merki reikninga í gegnum síma. Ef þú færð grunsamlegt símtal frá aðila sem segist vinna hjá bankanum getur þú til dæmis:
- Skrifað niður eða vistað númerið sem hringt er úr, ef það sést
- Beðið viðkomandi að gera grein fyrir sér, t.d. spyrja í hvaða deild aðilinn vinnur
- Spurt hvernig viðkomandi hafi fengið númerið þitt og upplýsingar um reikningana þína
- Beðið aðilann að hringja aftur ef hljóðgæði eru lítil
- Ekki hika við að skella á ef símtalið leggst illa í þig
Vinsamlegast tilkynntu bankanum um slíkar upphringingar, t.d. með því að hringja í þjónustuver í síma 444 7000 eða með því að senda tölvupósti á netsvik@arionbanki.is.
