Við elskum stemninguna á HM
Heimsmeistarakeppni karla í handknattleik árið 2025 fer fram í Króatíu, Danmörku og Noregi dagana 14. janúar - 2. febrúar – og við erum að rifna úr spenningi!
Við elskum stemninguna á HM, þegar fjölskyldur, vinir og vinnufélagar hnappast saman fyrir framan sjónvarpsskjáinn til að styðja við bakið á strákunum okkar í æsispennandi rimmum gegn fremstu leikmönnum íþróttarinnar. Handbolti er íþrótt sem þjappar saman allri íslensku þjóðinni og brúar um leið bilið á milli kynslóðanna – yngsta barnið og langamma eru bæði staðin upp úr sófanum og fallast í faðma þegar úrslitamarkið er skorað!
Að vanda leggjum við lóð á vogarskálarnar og styðjum rækilega við bakið á strákunum okkar á HM. Arion banki hefur verið einn dyggasti bakhjarl HSÍ allt frá árinu 2004 og við hlökkum til að halda því gefandi samstarfi áfram.
Leikir framundan
Allir leikir íslenska liðsins verða sýndir í beinni útsendingu á RÚV. Hér fyrir neðan má sjá dagsetningar og tíma leikjanna.
| 16. janúar 2025 | kl. 19:30 | Ísland - Grænhöfðaeyjar |
| 18. janúar 2054 | kl. 19:30 | Ísland - Kúba |
| 20. janúar 2025 | kl. 19:30 | Ísland - Slóvenía |
Heimsmeistarakeppni karla í handknattleik er handan við hornið í Króatíu og leikur Ísland fyrsta leik sinn í mótinu gegn Grænhöfðaeyjum í Zagreb á morgun.