Framfærslulánið er í formi yfirdráttarheimildar á sérstökum framfærslureikningi. Þú millifærir af framfærsluláninu í Netbankanum og skammtar þér þannig framfærslu yfir önnina fram að þeim tíma sem LÍN greiðir út.

Kostnaður við lánið er í formi vaxta og eru þeir mun lægri en á almennum yfirdráttarlánum. Þú getur kynnt þér vexti framfærslulána með því að skoða vaxtatöflu bankans.

Vaxtakostnaður skuldfærist sjálfkrafa af debetreikningnum þínum og eingöngu er greiddur vaxtakostnaður fyrir þann hluta heimildarinnar sem þú nýtir. Bankinn lánar fyrir vaxtakostnaði.

Þú getur gengið frá stofnun framfærslureiknings í næsta útibúi en eftir það getur þú sótt um framfærslu fyrir hverja önn á einfaldan hátt í gegnum Netbankann þinn. Hægt er að sækja um að fá allt að 100% framfærslulán til ráðstöfunar á hverri önn.

Engin gengisáhætta myndast við umsýslu lánsins þar sem þar sem bankinn lánar í sömu mynt og LÍN áætlar.